மூலவர் : பாசுபதேஸ்வரர்
உற்சவர் : -
அம்மன்/தாயார் : சத்குணாம்பாள், நல்லநாயகி
தல விருட்சம் : மூங்கில்
தீர்த்தம் : கிருபா தீர்த்தம்
ஆகமம்/பூஜை : காமிய ஆகமம்
பழமை : 1000-2000 வருடங்களுக்கு முன்
புராண பெயர் : திருவேட்களம்
ஊர் : திருவேட்களம்
பாடியவர்கள்: திருநாவுக்கரசர், திருஞானசம்பந்தர், அருணகிரி நாதர்
![](https://blogger.googleusercontent.com/img/b/R29vZ2xl/AVvXsEhsSrCb-gG96nhNiN0f0YgZ_auaS575wLGD9x30ermYJib0orT5Tq01GKLxE-wGGW0bhhTBAAT2fpH536RcPCtqvfNANOHdDdJ5_9HEKzXuBm5nmsfrJXnQhPWnTRSQMUbTuDLHaRYhaNwa/s640/G_L5_855.jpg)
தேவராப்பதிகம்
அல்லல் இல்லை அருவினை தானில்லை மல்கு வெண்பிறை சூடும் மணாளனார் செல்வனார் திருவேட்களம் கைதொழ வல்ல ராகில் வழியது காண்மினே.-திருநாவுக்கரசர்
தேவாரப்பாடல் பெற்ற காவிரி வடகரைத்தலங்களில் இது 2வது தலம்.
திருவிழா:
சித்திரை முதல் தேதி, வைகாசி விசாகம், ஆனி திருமஞ்சனம், விநாயகர் சதுர்த்தி, நவராத்திரி, தீபாவளி, மகா சிவராத்தரி, பங்குனி உத்திரம்.
![](https://blogger.googleusercontent.com/img/b/R29vZ2xl/AVvXsEiDWgUk0OR8MXnc_EBn_emcgWhULwicRKR1qWB_BESSvBwroQACrn0D44PWoP7MKMJdewZQfszRlnL-Up1sOy6Ri6pbKPT0MOiUicvgchZ0_TjZwGt4S8iYAjvpRqGtO1OaPIrxoUYmZkcZ/s640/G_L2_855.jpg)
தல சிறப்பு:
தேவாரப்பபாடல் பெற்ற சிவத்தலங்களில் முதலானது சிதம்பரம். இரண்டாவது திருவேட்களம்.இத்தல இறைவன் சுயம்பு மூர்த்தியாக அருள்பாலிக்கிறார்.சிவனின் தேவாரப்பாடல் பெற்ற 274 சிவாலயங்களில் இது 2 வது தேவாரத்தலம் ஆகும்.
![](https://blogger.googleusercontent.com/img/b/R29vZ2xl/AVvXsEha2EjPMoJPhzQUWTv2HZRisG8idb4OQOw9SidVhwsyBHRKkUOfMkYJeYp3s-Mc5AASyCFRjNtAkb761MEdX2cFoYrRgV0TiBmhPR5Lcu36u1nP6DBllncrYqOmoefNugfLIFH_stV_91M6/s640/T_500_855.jpg)
பொது தகவல்:
சாஸ்திரப்படி கோயில் எப்படி அமைக்க வேண்டும் என்று உள்ளதோ, அதன்படி அமைக்கப்பட்ட கோயில் இதுவாகும். பல்லவ அரசர்களால் செங்கற்களால் கட்டப்பட்ட இக்கோயில் 1914ல் கானாடுகாத்தான் பெத்த பெருமாள் செட்டியாரால் கருங்கற்களால் செப்பனிடப்பட்டது. தற்போது மூன்றடுக்கு ராஜகோபுரத்துடன் கிழக்கு பார்த்து அமைந்துள்ளது.
அம்பிகையின் சன்னதியில் 4 தூண்களிலும் அர்ஜுனன் தன் ஆயுதங்களை வைத்தல், ஒரு காலில் நின்று தவம் புரிதல், இறைவன் வேடன் வடிவம் எடுத்தல், சிவனும் அர்ஜுனனும் சண்டையிடுதல் போன்றவை சிற்பங்களாக செதுக்கப்பட்டுள்ளன.
![](https://blogger.googleusercontent.com/img/b/R29vZ2xl/AVvXsEi3Oeq8_AiNtiRDIxKXgVhqB_8m1ZsD8oxno43nP8eAvFKkZKiwpl6WmkedBC1NeMvvPs4kWGXfsGtRNl_IV30nhV17MPpaoEXAW9i16xiiTZ-DyUF9wuxNFWYl4CU_k2BxVFnkGJueCdVL/s640/G_L6_855.jpg)
கோயிலின் சுற்றுப்பகுதியில் நர்த்தன விநாயகர், தல விநாயகர்-சித்தி விநாயகர், அனுக்கிரக தெட்சிணாமூர்த்தி, சூரியன், சந்திரன் ஆகியோர் உள்ளனர். தெட்சிணாமூர்த்தியின் காலடியில் உள்ள முயலகன் இடப்பக்கம் தலைவைத்துள்ளார். சூரியனும் சந்திரனும் அருகருகே இருப்பதால் சூரிய, சந்திர கிரகணங்களின் போது இங்கு வழிபாடு செய்வது சிறப்பு.
![](https://blogger.googleusercontent.com/img/b/R29vZ2xl/AVvXsEgycFy2sw_PvWgNvV5vnTUKj1ZmMZX-e6kD06nrwNUPV4kH46c3uz6D0AIcpFErFUXx8noZZppVhEED41ArbOw2sr4RrApTg5-lC63kqyKcVuLOS8HB4YeEjnpIrC5axtRwzVK8B5_7D7sG/s400/G_L9_855.jpg)
பிரார்த்தனை:
பேச்சில் குறைபாடு உள்ளவர்கள் இங்குள்ள இறைவனை வழிபாடு செய்து இங்கு பிரசாதமாக தரப்படும் மண் உருண்டையை சாப்பிட்டால் விரைவில் பேச்சு வரும் என்பது நம்பிக்கை. திருமணத்தடை உள்ளவர்கள் வழிபாடு செய்து பலனடைகிறார்கள்.
நேர்த்திக்கடன்:
சிவனுக்கும் அம்மனுக்கும் அபிஷேகம் செய்து, புது வஸ்திரம் சாற்றுகின்றனர்.
![](https://blogger.googleusercontent.com/img/b/R29vZ2xl/AVvXsEi6yjNOkjja9itjHRzuMlD60APsWsDS5iAjIGE-tUP82lWeWcXDXB278vWIc_fFuVBHitCUPegsbYQHOC_u50yr24gThCtohx3rfy7iOdzlSdvUXiFoLpJS46dlSVd6t2Hffe916ZZwRt0j/s640/G_L8_855.jpg)
தலபெருமை:
சிதம்பரத்தை அடுத்துள்ள திருவேட்களம். இரண்டாயிரம் ஆண்டு பழமையான இங்கு தான் அர்ஜுனனுக்கு இறைவன் பாசுபதம் வழங்கினார். அம்மன் நல்லநாயகி நான்கு திருக்கரங்களுடன் அருள்பாலிக்கிறாள். முன் இரண்டு கைகளில் ஒரு கையில் தாமரையும், ஒரு கையில் நீலோத்பவ மலருடனும் அருளுகிறாள். இவளுக்கு எதிரிலும் நந்தி உள்ளது.
![](https://blogger.googleusercontent.com/img/b/R29vZ2xl/AVvXsEioph0qpuykThOit1S1a2D3SDm0GPgyNInByalFM7s8JzX-zeoDKS5qlJveEyJvr5CZyR9jDWwAKoguLOdbLaFS3yzyni4BId5KU75G8NUq-M2bBozKCWa2aJtEH6yizjLwoEffoK0klxm7/s640/G_L4_855.jpg)
ஒரு முறை சம்பந்தர் சிதம்பரம் நடராஜரை தரிசிக்க வருகிறார். அப்போது அவர் திருவேட்களத்தில் தங்கி சிதம்பரம் நடராஜரை தரிசித்துள்ளார்.
திருவேட்களம் பற்றி சம்பந்தர் பாடும் போது,"வேட்கள நன்னகர்' என்று குறிப்பிட்டுள்ளார். அத்துடன்,"சிறப்புடன் வாழ வாழ்வில் ஒரு முறையாவது திருவேட்களம் போ', என்றும், அம்பிகையை "பெண்ணில் நல்லாள்' என்றும் குறிப்பிடுகிறார். அருணகிரிநாதர் இத்தல முருகனை திருப்புகழில் பாடியுள்ளார்.
தல வரலாறு:
பாரதப்போரில் வெற்றிபெறுவதற்காக அர்ஜுனன் பாசுபதம் பெற விரும்புகிறான். அப்போது கிருஷ்ணன்,""நீ அனைத்து அஸ்திரங்களையும் உனது மானசீக தந்தையான இந்திரனிடமிருந்து பெற்றாய். ஆனால் பாசுபதாஸ்திரத்தை மட்டும் நீ சிவனிடமிருந்து தான் பெற வேண்டும். அதற்கு இந்திரனின் அனுமதி பெற வேண்டும்,''என்றார்.
இதற்காக அர்ஜுனன் மூங்கில் காடாக இருந்த இத்தலத்தில் தவம் செய்தான்.அர்ஜுனனின் தவத்தை கலைக்க துரியோதனன் மூகாசுரனை பன்றி வடிவில் அனுப்பினான். உடனே சிவன் பார்வதியுடன் வேடன் உருவில் வந்து பன்றியை கொன்றார்.
![](https://blogger.googleusercontent.com/img/b/R29vZ2xl/AVvXsEjBOHGyf9DOpLVS5J039n_dNbxy2JwlxhDeC3ABQ26o1AQ8Yk-yJVpx0-KvjgcYwEGoqTUlEYmA5CsbsWSSU0tlUeJ415xpCTAqsd-fOPWZ0KlbuBYLFqvtzrV5J3XtzfSlq9aOtex831-B/s640/G_L3_855.jpg)
நான்கு வேதங்களும் நாய்களாக மாறி இறைவன் பின்னே வந்தன. அதே பன்றியின் மீது அர்ஜுனனும் அம்பு எய்தான். பன்றியை யார் கொன்றார்கள் என்பது குறித்து சிவனுக்கும், அர்ஜுனனுக்கும் சொற்போரும் விற்போரும் நடந்தது. போரில் அர்ஜுனனின் வில் முறிந்தது.
கோபமடைந்த அர்ஜுனன் முறிந்த வில்லால் வேடனை அடித்தான். அந்த அடி மூவுலகில் உள்ள அனைத்து உயிர்களின் மீதும் விழுந்தது. வேடுவப்பெண்ணாக வந்த பார்வதி கோபமடைந்தாள். சிவன் பார்வதியிடம் உமையவளே! நீ லோகமாதா! நீ கோபப்பட்டால் இவ்வுலகம் தாங்காது,''என சமாதானப்படுத்தி "சற்குணா' (நல்லநாயகி) தள்ளி நில் என்கிறார்.
சிவன் தன் திருவடியால் அர்ஜுனனை தூக்கி எறிகிறார். சிவனின் பாத தீட்சை பெற்று அன்னையின் கருணையால் இத்தல கிருபாகடாட்ச தீர்த்தத்தில் விழுகிறான். சிவன் பார்வதியுடன் காட்சி கொடுத்து பாசுபதாஸ்திரத்தை தந்தருளினார். அர்ஜுனன் வில்லால் அடித்த தடத்தை இன்றும் லிங்கத்தின் மீது காணலாம்.
![](https://blogger.googleusercontent.com/img/b/R29vZ2xl/AVvXsEirIZVrqNuIIM6ikPDg_DdCZ6RpFjzqlJMOjmYZRm35uYMAF8ez2HvsoceYjzkRON8QVQ3OE9KKZbDXpBh4Cbunvn-XXKQM5ZAA7UXie5yyDTfs-bjXGzUmU7-1UKjyjULeFwDqQz_279ef/s640/G_L7_855.jpg)
சிறப்பம்சம்:
அதிசயத்தின் அடிப்படையில்: இத்தல இறைவன் சுயம்பு மூர்த்தியாக அருள்பாலிக்கிறார்.
No comments:
Post a Comment